Anwesnd da Geisd
im Kobf drin wohnd
hod ea vui zum doa
wead koana vaschond.
Anwesnd a Schneggn
ganz ohne Obdach
de schleimige Schbua
is iah eigene Sach.
Anwesnd im Woid
Wichdl und Gnom´
im Undahoiz lem
neba de Elfn drom.
Anwesnd de Nod
da Griag und s´Leid
koa Einsichd iis
de bringad a Freid.
Anwesnd am Schdiehl
de Knosbn jung
wenn ned beschissn
bliahns, ohne Dung.
Anwesnd a Woif
kemma bei Nochd
im Draam des Gsichd
a Ganshaud hod brochd.
Anwesnd am Himme
Schdeandl a diam
beim uschaun a gean
d´Fandasie u ´schiam.
Anwesnd de Seel´n
wissn ned rechd
ob jung oda oid
wos guad oda schlechd.
Anwesnd grod jäzd
de Viecha, Natua
Schdoana wia Lufd
san s´Lebn ganz pua.

Anwesnd da Neid
u´dreffn duad ofd
wos hod ma davo
nix, wo ma drauf hoffd.


© Teresa Ruebli


© Teresa Ruebli


3 Lesern gefällt dieser Text.







Kommentare zu "Anwesnheid"

Es sind noch keine Kommentare vorhanden

Kommentar schreiben zu "Anwesnheid"

Möchten Sie dem Autor einen Kommentar hinterlassen? Dann Loggen Sie sich ein oder Registrieren Sie sich in unserem Netzwerk.